Smiley face
Smiley face
Smiley face

ڕێگەنەدرا هاوسەرۆکانی هەدەپە سەردانی دەمیرتاش بکەن

2018-05-25 15:00:12



ڕۆژنیوز - ناوەندی هەواڵەکان


هاوسەرۆکانی پارتی دیموکراتی گەلان-هەدەپە ویستیان سەردانی سەلاحەدین دەمیرتاش بکەن، بەڵام ڕێگەیان پێنەدرا.


ئەمڕۆ هەدەپە لە ئەدیرنە سەربە ئەنقەرە کەمپەینی هەڵبژاردنی دەستپێکرد و هاوسەرۆکانی هەدەپە ویستیان سەردانی سەلاحەدین دەمیرتاش بکەن کە لە زیندانی ئەدیرنەیە، بەڵام ڕێگەیان پێدرا، هەروەها ڕێگەشنەدرا شاندی هەدەپە کۆنگرەیەکی ڕۆژنامەنووسی لە بەردەم زیندانەکە ئەنجامبدەن.


شاندی هەدەپە کە پێکهاتبوون لە سەزای تەمەلی و پەروین بوڵدان، هاوسەرۆکانی هەدەپە و ژمارەیەک لە کاندیدەکانی هەدەپە بۆ هەڵبژاردنی پەرلەمان، ناچار لە دووریی پێنج کیلۆمەتری زیندانەکەوە کۆنگرەی ڕۆژنامەنووسییان ئەنجامدا.


پەروین بوڵدان لە کۆنگرە ڕۆژنامەنووسییەکەدا وتی: ڕەنگە بتوانن بەڕێز دەمیرتاش بەدیلبگرن، بەڵام ناتوانن ناوەکەی لە دڵی چەندین ملیۆن مرۆڤدا دەربکەن.


سەزای تەمەلیش وتی: ئێمە داوای دادپەروەریی بۆ هەمووان و بۆ دەمیرتاش دەکەین، بەڕێز دەمیرتاش دەبێت بە زوویی ئازاد بکرێت، پێویستە هەمووان لە شوێن و پێگەی خۆیانەوە دەنگ هەڵبڕن.


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin