Smiley face
Smiley face
Smiley face

١٢ خاڵ وەک دەرئەنجامی کۆنفرانسی گەنجان ڕاگەیەندرا

2018-05-25 18:47:11



ڕۆژنیوز - سلێمانی

 

کۆنفرانسی گەنجانی ڕۆژهەڵاتی ناوەڕاست کۆتاییھات و ١٢ خاڵیک وەک دەرئەنجامی کۆنفرانسەکە ڕاگەیەندرا.

 

کاتژمێر ٠٦:٠٠ی ئێوارەی ئەمڕۆ، دوای زیاتر لە ٨ کاتژمێر گفتوگۆو و تاوتوێکردنی کێشەکانی گەنجان و ژنانی گەنج لە ڕۆژهەڵاتی ناوەڕاست، کۆتایی بە کارەکانی کۆنفرانسی گەنجانی ڕۆژهەڵاتی ناوەڕاست هات.

 

لە کۆنفرانسەکەدا، گەنجانی نەتەوە و پێکھاتە و ئاینە جیاوازەکانی بەشدار لە کۆنفرانسەکە، دید و بۆچوونی خۆیان لەسەر کێشە و قەیرانەکانی ڕۆژھەڵاتی ناوەڕاست و بەتایبەت کێشەکانی گەنجان و ژنان دەربڕی و کێشەکانی گەنجان خاڵی سەرەکیی گفتوگۆکان بوو.

 

لە ئەنجامی گفتوگۆ و پانێڵەکانی کۆنفراسەکە، ١٢ خاڵ وەک دەرئەنجامی کۆنفرانسەکە خرایەڕوو، کە بریتین لە:

 

١- بە ئامانجگرتنی ئازادیی عەبدوڵا ئۆجالان، ڕێبەری پەکەکە، کە تێکۆشانی بۆ ئازادیی گەنجان و گەلانی ڕۆژهەڵاتی ناوەڕاست کردووە.

 

٢ ـ دەسەڵاتداران و دەوڵەتان کە هۆکاری سەرەکی کێشەکانی ڕۆژهەڵاتی ناوەڕاستن، گەنجان بە خۆڕێکخستنکردن ڕووبەڕوویان دەبنەوە.

 

٣ ـ ئەم کۆنفرانسە ئازادیی ژن و ژینگەپارێزیی لە تێکۆشانی خۆیدا بە بنەما دەگرێت.

 

٤ ـ دژی هەموو هێرشەکانی مۆدێرنیتەی کاپتالیزم بەرخۆدان بەڕێوەدەبەین.

 

٥ ـ لە بەرامبەر دەزگا هەرێمیی و جیهانییە نەتەوەپەرستەکان تێکۆشانی چالاک بەڕێوەدەبەین.

 

٦ ـ لە دژی هەموو هێرشە دەرەکییەکان بۆ سەر ڕۆژهەڵاتی ناوەڕاست، تێکۆشانی بەڕێکخستن بە بنەما دەگرین.

 

٧- لەسەر بنەمای "ئازادیی کوردستان، ئازادیی ڕۆژهەڵاتی ناوەڕاستە، ئازادیی ڕۆژهەڵاتی ناوەڕاستیش، ئازادیی کوردستانە"، خۆڕاگری و شۆڕش بەڕێوەدەبەین.

 

٨- لە بەرامبەر هێرشی قڕکردنی کەلتووری، کە لە ڕۆژهەڵاتی ناوەڕاست و بە تایبەت کوردستان پێکدێت، و بە ژیانەوەی چاند و هونەر و کەلتوری کۆمەڵگای دیموکراتیک، ڕووبەڕووی ئەو قڕکردنە دەبینەوە.

 

٩ ـ پێکەوەژیانی گەلان و ئایینەکانی ڕۆژهەلاتی ناوەڕاست بە بنەما دەگرین.

 

١٠- کۆردیناسیۆنێکی هاوبەش دروستدەکرێت، بۆ پێکهێنانی ئەنجامەکانی کۆنفرانسی گەنجانی ڕۆژهەڵاتی ناوەڕاست.

 

١١- پاراستنی زاراوەی زازاکی، کە ڕووبەڕووی قڕکردن بووەتەوە.

 

١٢- گۆڤارێک لەسەر ناوی گەنجانی ڕۆژهەڵاتی ناوەڕاست دەربکرێت.

 

جێگای ئاماژە پێکردنە، کاتژمێر ١٠:٠٠ی بەیانی ئەمڕۆ، لە هۆڵی تەوار لە شاری سلێمانی، بە بەشداری گەنجانی هەر چوارپارچەی کوردستان و ڕۆژهەڵاتی ناوەڕاست بەگشتی، کۆنفرانسی گەنجانی ڕۆژهەڵاتی ناوەڕاست دەستیپێکرد.

 

لە کۆنفرانسەکەدا نزیکەی ٣٠ حزب و ڕێکخراو لە هەرچوارپارچەی کوردستان و عێراق و سوریا و تورکیا و ئێران بانگهێشت کراون و ٣٠٠ بۆ ٤٠٠ ئەندام تێیدا بەشداربوون.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin