Smiley face
Smiley face
Smiley face

عەفرین، تاوانە جۆربەجۆرەكانی چەتەكان بەردەوامە

2018-05-25 20:38:48



ڕۆژنیوز – ناوەندی هەواڵەکان

 

چەتەکانی دەوڵەتی تورک لە عەفرین، هاوڵاتیان دەڕفێنن و بۆ ئازادکردنیان، داوای پارە لە کەسوکارەکانیان دەکەن.

 

بەپێی ئاژانسی هاوارنیوز، لە چەند ڕۆژی ڕابردوودا، چەتەکانی دەوڵەتی تورک، ژمارەیەک هاوڵاتییان لە عەفرین ڕفاندووە و بۆ ئازادکردنیشیان داوای پارە دەکەن.

 

بەپێی سەرچاوەکان، چەتەکانی تورک لە گوندی قەرمتلەق-ی سەر بە شارۆچکەی شییە-ی عەفرین، هاوڵاتییەکی تەمەن ٤٠ ساڵییان ڕفاندووە و لەبەرامبەر ئازادکردنیشیدا، داوایان لە خانەوادەکەی کردووە، کە لەماوەی ٣ ڕۆژدا ١٠ هەزار دۆلاریان پێبدەن.

 

هەر بەپێی سەرچاوەکانی هاوارنیوز، چەتەکانی تورک لە گوندی دیبێ-ی سەر بە شارۆچکەی ماباتا، گەنجانی گوندەکەیان کۆکردووەتەوە و بەرەو شوێنێکی نادیاریان بردوون، دانیشووانی گوندەکەش ناوێرن پرسیاری دۆخیان بکەن.

 

هەر بەپێی سەرچاوەکان، چەتەکان بۆ ئازادکردنی هەر گەنجێک، داوای پێنج هەزار دۆلار دەکەن.

 

لەلایەکی دیکەشەوە، ڕاگەیەندرا کە سەرباز و چەتەکانی تورک، ئۆتۆمبێلێکی بارهەڵگری هاوڵاتییەکان لە ماباتا تاڵانکردووە و ٣٥٠ دۆلاریشیان لە خاوەنی بارهەڵگرەکە وەرگرتووە، پێشیان وتووە کە دەبێت لە ماڵەکەی خۆیدا بمێنێتەوە و دەرنەچێت.

 

هەروەها ئەوەش ڕاگەیەندراوە، کە چەتەکان هاوڵاتییەکیان بەناوی خەلیل مستەفا تەمەن ٤٠ ساڵ لە گوندی قەرمتلەق رفاندووە و ئەشکەنجەیان داوە، لەکاتێکدا ئەو هاوڵاتییە نەخۆشی شەکرە و شێرپەنجەی هەبووە، لە گوندی بالیا-ش چەتەکان هاوڵاتییەکی دیکەیان ڕفاندووە، لە کاتێکدا کە لەناو زەوییە کشتوکاڵییەکانیدا سەرقاڵی کارکردن بووە.

 

هاوارنیوز، ئەوەشی ئاشکراکردووە، کە چەتەکانی بەرەگاکانی خۆیان لە گوندە عەرەبنشینەکان دەگوازنەوە بۆ گوندە کوردنیشینەکانی شارۆچکەکانی ماباتا و گوندەکانی ئەبوکەب و حجلێر-ی سەر بە شارۆچکەی جندرێس.

 

هەر بەپێی سەرچاوەکانی هاوارنیوز، چەتەکانی تورک لە شارۆچکەی بلبلێ ٤ هەزار سەر بزن-یان دزیوە.

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin