Smiley face
Smiley face
Smiley face

گۆرانیبێژێکی بەریتانی گۆرانییەک بۆ ئۆجالان دەڵێت.. بەڤیدیۆ

2018-05-26 10:13:06



ڕۆژنیوز - ناوەندی هەواڵەکان

 

لی بریکلی، پاش ئەوەی لە هزر و فەلسەفەی ئۆجالان وردبووەوە، گۆرانییەکی بەناوی ئۆجالان و لەبارەی تێکۆشانی ڕێبەری پارتی کرێکارانی کوردستان- پەکەکەوە ئامادەکرد.

 

هزر و ڕامانی عەبدوڵا ئۆجالان کاریگەریی لەسەر لی بریکلی، گۆرانیبێژی تەمەن ٣٠ ساڵی بەریتانی دروستکردووە و وایکردووە، کە ئەو گۆرانیبێژە لەبارەی پیلانگێڕی دژی گەلی کورد و ئۆجالانەوە گۆرانییەک ئامادەبکات.

 

بریکلی لەو بارەیەوە دەڵێت: کاتێک لەبارەی سیستمە سیاسییەکانەوە لێکۆڵینەوەم دەکرد، لەبارەی کۆنفیدرالیزمی دیموکراتی و هزری ئۆجالانەوە خوێندمەوە، کاریگەری لەسەر دروستکردم، بۆیە گۆرانییەکەم دانا بۆ ئەوەی تێکۆشانی ئۆجالان بناسێنم.

 

باس لەوەش دەکات، کە باوەڕی بە شۆڕش و تێکۆشانی گەلی کوردە و پێشێلکاری و داگیرکارییەکانی دەوڵەتی تورک لە عەفرین شەرمەزار دەکات.

 

وتیشی: بەم زوانە ئەلبومێکی گۆرانی پێشکەشی ڕۆژئاوا و عەفرین دەکات، ئەلبومەکە هێشتا کۆتایینەهاتووە.

 

لی بریکلی لە گۆرانییەکە باس لە دۆخی ئۆجالان دەکات و دەڵێت: لە دوورگەیەکدا زیندانیان کردووە، نایەڵن چاوی بە جیهان بکەوێت، هەزاران پاسەواند دەوریان داوە، لە زیندانێکدا کە بە پیسایی گەمارۆدراوە، پیاوێک کە سەرچاوەی ئیلهامی ملیۆنان کەسە، لە ساڵی ٨٤ دا ئەرتەشی گەریلای دامەزراند بۆ دژایەتی دەوڵەتی تورک و پاراستنی گەلی کورد لە چنگی چارەنووسێکی ڕوو لەمردنی دیکە.

 

لە بەشێکی دیکەی گۆرانییەکەدا باس لە تێکۆشانی ئۆجالان بۆ دامەزراندنی پەکەکە دەکات و دەڵێت: ئەو دڵ و ڕۆحی هەموو کوردستانە، ژنانی ئازاد کرد و یارمەتی خەڵکەکەی دا خۆیان لە چنگی زنجیرەکانی ئاین ڕزگار بکەن.

 

لەکۆتایشدا باسی لە پیلانگێڕی نێودەوڵەتی بۆ دەستگیرکردنی ئۆجالان کردووە و هاوکارییەکانی دەوڵەتانی ئەوروپایی و سی ئای ئەی ئەمریکی بۆ تورکیا دەکات لەو پیلانگێڕییەدا.

 

 

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin