Smiley face
Smiley face
Smiley face

پێدەچێت لایەنگرانی کورتاج براوەی ڕیفراندۆمەکەی ئیرلاند بن

2018-05-26 12:49:05



ڕۆژنیوز - ناوەندی هەواڵەکان

 

ئەنجامی ڕیفراندۆم بۆ بڕیاردان لەبارەی قەدەغەکردن یان ئازادیی لە ئەنجامدانی کورتاج(لەباربردنی منداڵ) ڕادەگەیەندرێت و ڕاپرسییەکان باس لەوە دەکەن، کە لایەنگرانی کورتاج براوەی ئەو ڕیفراندۆمە دەبن.

 

حکومەتی ئیرلاند بۆ جاری شەشەم ڕیفراندۆمی لەناو هاوڵاتیاندا ئەنجامدا، ئاخۆ بەڵێ بۆ ئازادیی دایک لە ئەنجامادانی کورتاج (لەباربردنی منداڵ) دەکەن یانیش بە دەنگی نەخێر ڕەتی دەکەنەوە.

 

بەپێی ڕاپرسییەکان دەنگی ٦٩٪ی ئەوانەی دەنگیان داوە بەڵێ بۆ ئازادیی ئەنجامدانی کورتاج بووە و لە دوبلینی پایتەختیش ئەو ڕێژەیە گەیشتوەتە ٧٩٪.

 

سەرلەبەیانیی ئەمڕۆ کاتژمێر ٠٩:٠٠ بەکاتی ئیرلەند ژماردنی دەنگەکان دەستیپێکردووە و وابڕیارە کاتژمێر ٠٥:٠٠ی ئێوارە ئەنجامەکان ڕابگەیەندرێت.

 

لیئۆ وارادکار، سەرۆک وەزیرانی ئیرلەند کە خۆی یەکێکە لەلایەنگرانی پەسندکردنی کورتاج، دەڵێت وەرچەخانێکی مێژوویی لە ئیرلاند دا ڕوودەدات.

 

جێگای ئاماژەیە، لە ماددەی هەشت-ی دەستووری ئیرلاند-دا، ئەنجامدانی کورتاج قەدەغەکراوە، جگە لە حاڵەتی زۆر نائاسایی و تایبەت، ئەو ماددە دەستورییە لەساڵی ١٩٨٣-وە کاری پێدەکرێت.

 

دوای ئەوەی، لە ساڵی ٢٠١٣ دایکێکی پەنابەری هیندیی لە ئیرلاند بەهۆی منداڵەکەی سکییەوە  گیانی لەدەستدا و ڕێگەی پێنەدرا لەباری ببات، خەڵکی ئیرلاند ناڕەزاییان دژی جێبەجێکردنی ئەو ماددە دەستورییە ئەنجامدا و یاساکە هەموارکرایەوە، بەڵام هەموارکردنەوەکە هاوڵاتیانی ڕازیی نەکرد، چونکە سزا بۆ ئەو دایکانە دانرا، کە لە حاڵەتی ئاساییدا منداڵەکانیان لەبار دەبەن و ئەویش ١٤ ساڵ زیندانییە، بۆیە حکومەتی ئیرلاند بڕیاری ئەنجامدانی ڕیفراندۆمی دا و تا ئێستا ئەمە شەشەمین جارە ڕیفراندۆم ئەنجام دەدرێت.

 

 

ش.ف

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin