Smiley face
Smiley face
Smiley face

کەژەکە ئامانجەکانی تێکۆشانی سەردەمی نوێی ئاشکراکرد

2018-05-26 12:50:42



ڕۆژنیوز - ناوەندی هەواڵەکان

 

کۆردیناسیۆنی کەژەکە، ئەنجامنامەی کۆبوونەوەی ساڵانەی کۆنسەی بەڕێوبەریی بڵاوکردەوە و ئامانجەکانی تێکۆشانی لە سەردەمی نوێ ڕاگەیاند.

 

ڕۆژانی ١٢ بۆ ١٤ی ئایار کۆردیناسیۆنی کۆمەڵێن ژنێن کوردستان- کەژەکە کۆبووەوە و تێکۆشانی لە بوارەکانی ئایدیۆلۆژیی، سیاسیی، سەربازیی، کۆمەڵایەتی و گەنجان نرخاند، ئەمڕۆ ئەنجامنانەی ئەو کۆبوونەوە ساڵانەیەی کەژەکە بڵاوکرایەوە.

 

لە ئەنجامنامەکەدا گۆشەگیرکردنی ئۆجالان شەرمەزارکراوە و تێیدا هاتووە: لە کۆبوونەوەکەدا گۆشەگیرییەک کە بەسەر ڕێبەر ئاپۆدا سەپێندراوە بەتوندی شەرمەزارکراوە و بۆ ڕزگارکردنی لە چنگی سیستمی ئەشکەنجەی ئیمرالی بڕیاری تێکۆشانی بەردەوام دراوە، چیدی تەنیا چرکەیەکیش سیستمی ئەشکەنجەی ئیمرالیمان پێ قبوڵ ناکرێت، ئێمە کۆتایی بەو سیستمە دێنین.

 

لە ئەنجامنامەکەدا بڕیاری ڕزگارکردنی عەفرینیش دراوە و تێیدا هاتووە: لە کۆبوونەوەکەدا باسمان لە جەنگی سێیەمی جیهانی و ڕۆڵی هێزە جیهانییە کاپیتالیستەکان کرد، کە لە هەوڵداندان بۆ ئەوەی ڕێکاری سێیەمینی بزوتنەوەکەمان ئاستەنگ بکەن، هەروەها، هەڵوێستی هێزە جیهانییەکانمان لەبەرامبەر داگیرکردنی عەفرین شەرمەزارکردووە و بڕیاری ڕزگارکردنی عەفرینمان دەرکردووە.

 

لە ئەنجامنامەکەدا هەروەها باس لە نەتەوەی دیموکراتی و یەکێتی نەتەوەییش کراوە و  تێیدا هاتووە: تاکە ڕێگای گەیشتن بە ئازادیی، پێکهێنانی یەکێتیی نەتەوەی دیموکراتییە، لەدژی سیاسەتی لەناوبردن و قڕکردن و داگیرکاریی، سیاسەتی یەکێتی نەتەوەی دیموکراتی پێش دەخەین و بۆ ئەوەش بڕیاری گرنگ لە کۆبوونەوەکەماندا دەرکراوە، ٢٥ی نۆڤەمبەر و ٨ی مارس سەلماندیان کە سەرهەڵدانی ژنان لەدژی سیستمی باوکسالاریی پێشکەوتووە.

 

لەکۆتایی راگەیەندراوەکەدا ساڵی ٢٠١٨ وەک ساڵی تێکۆشان ناونراوە و ڕاگەیەندراوە: کۆنسەی بەڕێوبەری کەژەکە ساڵی ٢٠١٨ی بە ساڵی تێکۆشانی گەورە ناوناوە، چوار پارچەی کوردستان گەیشتووەتە ئاستێکی بڕیاردەری کە تێیدا دەستکەوتی زۆر گەورە بەدەست بێنێت، تێکۆشانی گەلی کورد لە چوار پارچەی کوردستان و هەموو گەلانی ڕۆژهەڵاتی ناوەڕاست کە سەریان لەبەرامبەر زۆرداریدا دانەنەواندووە بەرز دەنرخێنین.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin