Smiley face
Smiley face
Smiley face

دەمیرتاش: دەنگەکانمان لە هەڵبژاردنی ٧ی حوزەیران زیاتر دەبێت

2018-05-26 13:21:22



ڕۆژنیوز - ناوەندی هەواڵەکان

 

سەلاحەدین دەمیرتاش، کاندیدی پارتی دیموکراتی گەلان بۆ سەرۆکایەتی کۆماری تورکیا دەڵێت، کە دەنگەکانمان لە هەڵبژاردنی ٧ی حوزەیرانی ٢٠١٥ش زیاتر دەبێت.

 

دەمیرتاش لە چاوپێکەوتنێکدا بۆ ڕۆژنامەی ئەڤرەنسەلی تورکیا، ئەوە دەخاتەڕوو کە هیوادارە بە سەرکەوتن لەم هەڵبژاردنەدا.

 

دەمیرتاش ڕایگەیاندووە: لیستی هەدەپە بۆ هەڵبژاردنی پەرلەمان هەموو شوناس، باوەڕ، ڕەگەز و چینە بندەستەکان دەگرێتەوە و لەو ڕووەوە بەرفراوانترین لیستە، دەتوانین ڕێککەوتنێکی بەهێز لەگەڵ هێزە دیموکراسیخوازەکان پێک بێنین.

 

وتووشیەتی: خەڵک چاوەڕێی بەرنامەی هەدەپەن بۆ ئەوەی تێکۆشان دەستپێبکەن، بەو ورەیەی لە خەڵکدا دەیبینین دەتوانین بڵێین دەنگەکانمان لە هەڵبژاردنی ٧ی حوزەیرانیش زیاتردەبێت.

 

دەمیرتاش ڕەخنەی لە کەناڵی تەلەفزیۆنیی تەرەتەش گرتووە و وتوویەتی: لە هەڵبژاردنی ٧ی حوزەیراندا دوو کاتژمێریان بۆ دیاریکردبووین، بەڵام ئێستا سفر کاتژمێریان داوینەتێ.

 

لەکۆتاییشدا وتی: خەڵک بۆ ئەوەی تۆڵەیان لەو حکومەتە بکەنەوە چاوەڕێن دەنگدان دەستپێبکات و بچنە سەر سندوقەکانی دەنگدان.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin