Smiley face
Smiley face
Smiley face

داعش بەرهەمە کشتوکاڵییەکان دەسوتێنێت

2018-05-26 13:44:00



ڕۆژنیوز - سەعدیە


ماوەیەکە چەتەکانی داعش لە سنوری شارەدێی سەعدیە بەرهەمە کشتوکاڵییەکانی جوتیاران دەسوتێنن.


شەوی ڕابردوو چەتەکانی داعش لە گوندی بەنی وەیس لە شارەدێی سەعدیە سەر بە شارۆچکەی خانەقین لە پارێزگای دیالە، بەرهەمی جوتیارانیان سوتاند.


شێخ وسام عەبجەل، سەرۆکی هۆزی بەنی وەیس لە شارەدێی سەعدیە بە ڕۆژنیوزی وت: درەنگانی شەوی ڕابردوو چەتەکانی داعش نزیکەی ٢٠ دۆنم زەوی کشتوکاڵیان سوتاند، کە بریتین بوون لە بەرهەمی گەنم و جۆ لە گوندی بەنی وەیس.


وتیشی: ئەوە یەکەم جاری نییە چەتەکانی داعش ئەم جۆرە کارانە دەکەن، لە پێشووتریشدا چەند جارێک بەرهەمە کشتوکاڵییەکانیان سوتاندووە و جوتیاران زیانی ماددی زۆریان پێ گەیشتووە.


گوندی بەنی وەیس دەکەوێتە باشوری ڕۆژهەڵاتی شارەدێی سەعدیە، گوندێکی عەرەبی سونە نشینن و لە سەردەمی داعش لە ساڵی ٢٠١٤ دانیشتوانی گوندەکە ئاوارە بوون، پێش چوونی داعش-یش بۆ سەعدیە، یەکێک بووە لە گوندە نائارامەکانی سەعدیە بەهۆی جموجۆڵی تیرۆرستانی قاعیدەوە.


ک.ک/ ئ.خ
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin