Smiley face
Smiley face
Smiley face

وردەکاریی شەڕەکەی زیندانی دهۆک

2018-05-26 19:35:04



ڕۆژنیوز – ناوەندی هەواڵەکان

 

پارێزگاری دهۆک ڕایگەیاند، زیندانییەکی نێو چاکسازی گەورانی دهۆک، کە سێ جار سزای لەسێدارەدانی هەیە، هەوڵی داوە دەرگای زیندانەکە بشکێنێت، بۆ ئەو مەبەستەش ئاگری کردووەتەوە، بەهۆی ئاگرەکە و دروستبوونی ئاڵۆزییەوە، ٧ زیندانیی گیانیان لەدەستداوە.

 

ئێوارەی ئەمڕۆ، فەرهاد ئەتروشی، پارێزگاری دهۆک، لەسەر ڕووداوەکەی ئێوارەی ئەمڕۆی زیندانی زرکا (چاکسازیی گەورانی دهۆک)، کۆنگرەیەکی ڕۆژنامەنووسیی ئەنجامدا.

 

فەرهاد ئەتروشی، ڕایگەیاند: شەڕ لەنێوان هیچ کەس ڕووینەداوە، بەڵکو کەسێک بەناوی "سەددام" کە سێ جار سزای لەسێدارەدانی هەیە، هەوڵی شکاندنی دەرگاکانی زیندانەکەی داوە، بۆ ئەو مەبەستەش ئاگری کردووەتەوە، ئەوەش بووەتە هۆی دروستبوونی ئاڵۆزی.

 

ڕاشیگەیاند: لە ئەنجامدا بەهۆی ئاگر و دوکەڵ ٧ کەس گیانیان لەدەستداوە و ١٢ کەسی دیکەش لەنێو زیندانیی دیکەش برینداربوون.

 

پارێزگاری دهۆک جەختدەکاتەوە، کە ئەوانەی گیانیان لەدەستداوە، بەهۆی ئاگر و دووکەڵ-ەوە بووە، نەک بەهۆی شەڕەوە کوژرابن.

 

ئەمەش لەکاتێکدایە، پێشتر سەرچاوەیەک لەناو چاکسازیی گەورانی دهۆک، بە ڕۆژنیوزی ڕاگەیاند، کە شەڕ لەنێوان زیندانییە کورد و عەرەبەکانی نێو زیندانەکە دروستبووە و بەهۆیەوە هەشت زیندانیی کوژراون و نزیکەی ٥٠ کەسی دیکەش بینداربوون.

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin