Smiley face
sorani
Smiley face

Nasnameya 4 gerîlayên li Şirnexê şehîd bûn hat eşkerekirin

2017-10-25 15:04:57
HPG'ê daxuyaniyeke nivîskî weşand û nasnameya 4 gerîlayên li Şirnexê roja 8'ê Îlonê şehîd bûn, eşkere kir.


 

 

NAVENDA NÛÇEYAN

 

 

Navenda Ragihandin û Çapemeniyê ya HPG'ê, li der gerîlayên di meha Îlonê de li Şirnexê şehîd bûn, ev daxuyanî da:

 

"Roja 8'ê Îlona 2017'an, li herêma navbera gundên Koçera û Nîvya yên navçeya Basa ya Şirnexê, di operasyona artêşa TC a dagirker de di navbera hêzên me yên gerîla û dijmin de şerekî dijwar qewimî. Di vî şerî de gelek kuştiyên dijmin çêbûn. Hevalên me Argeş, Ardil, Siyabend û Pîr heta fîşeka xwe ya dawî bi lehengî şer kirin û gihîştin şehadetê.

 

Agahiyên li ser nasnameya hevalên me yên şehîd wiha ne:

 

           

Nasnav: Ardil Amed

 

Nav paşnav: Huseyîn Kara

 

Cihê jidayikbûnê: Amed

 

Dayik-Bav: Devriye-Mehmet

 

Dem û cihê şehadetê: 8'ê Îlona 2017 / Şirnex

 

           

Nasnav: Argeş Botan

 

Nav paşnav: Mehmet Halîl Kiliç

 

Cihê jidayikbûnê: Hatay

 

Dayik-Bav: Sûphiye-Tevfîk

 

Dem û cihê şehadetê: 8'ê Îlona 2017 / Şirnex

 

 

Nasnav: Pîr Alî

 

Nav paşnav: Haydar Erdogan

 

Cihê jidayikbûnê: Semsûr

 

Dayik-Bav: Elîf-Vakkas

 

Dem û cihê şehadetê: 8'ê Îlona 2017 / Şirnex

 

 

           

Nasnav: Siyabend Bilbes

 

Nav paşnav: Îsmaîl Cîn

 

Cihê jidayikbûnê: Şirnex

 

Dayik-Bav: -

 

Dem û cihê şehadetê: 8'ê Îlona 2017 / Şirnex

 

Hevalên me Argeş, Ardil, Siyabend û Pîr, li hemberî xeta teslîmiyetê ya ku dewleta TC a faşîst li ser gelê me ferz dike û dixwaze ji nû ve Kurdistanê dagir bike, di emrekî ciwantiyê de tevlî nave refên azadiyê bûn. Her hevrêyekî weke şopdarên kevneşopiya berxwedanê ya PKK'ê, di xeta Bêrîtan de li dijî teslîmiyetê bûn nûnerê berxwedanê û li çiyayên Kurdistanê weke neferekî şervaniya Egîd bi awayekî çalak tevlî têkoşînê bûn. Her çar hevalên me ji bo azadiya gelê Kurd bi berdêla dayina canê xwe tevlî têkoşînê bûn û ji bo paşerojê hêvî û nirxên mezin li pey xwe hiştin. Em weke hevalên wan ên têkoşînê, di şexsê Argeş, Ardil, Siyabend û Pîr de hemû şehîdên şoreşa Kurdistanê careke din bi bîr tînin, sersaxiyê ji malbatên wan ên hêja û welatparêz û tevahiya gelê Kurdistanê re dixwazin. Em careke din soz didin ku em ê xewn û xeyalên her çar hevrêyên xwe yên şehîd bi cih bînin û têkoşîna azadiyê ya Kurd bi ser bixînin."

 

 

 



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : rojnewsku@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin