Smiley face
sorani
Smiley face

Ji bo derxistina leşkerên Tirk 10 parlamenteran bang li parlamentoya Başûr kirin

2018-02-13 16:49:13
Ji komên partiyên cuda yên Başûrê Kurdistanê 10 parlamenteran ji bo derxistina leşkerên Tirk ên li ser xaka Başûrê Kurdistanê pêşniyarnameyek pêşkêşî Serokatiya Parlamentoya Herêma Kurdistanê kirin, da ku biryar were dayîn leşkerên Tirk ji xaka Herêma Kurdistanê were derxistin.


 

 

 

DANA OMER / SILÊMANÎ


 

Ji YNK'ê Salar Mehmûd, Geşe Dara Rêbwar Fayeq, Zana Ebdulreheman, ji Tevgera Goran Qehreman Qadir, Elî Heme Salih, Ebulrehman Elî, Enwer Qadir û  ji Komeleya Îslamiya Kurdistanê Omer Înayet bi pêşniyaznameyekê, daxwaz ji Serokatiya Parlamentoya Herêma Kurdistanê kirin ku ji bo derxistina leşkerên Tirk ên li ser xaka Başûrê Kurdistanê biryarê bidin.

 

Di pêşniyaznameyê de tê gotin ku hebûna leşkerên Tirk ên li ser xaka Başûrê Kurdistanê ne rewa ye û wiha tê gotin; "Biryara Parlamentoya Herêma Kurdistanê heye ku di 12'ê Gulana sala 2003'an de hatiye dayîn,  ji bo ku hêzên Tirkiyeyê yên bi navê hêzên parastina aştiyê hatine Herêma Kurdistanê ji xaka Herêma Kurdistanê derkevin, lê li cihê ku ev hêzên leşkerî xaka Herêma Kurdistanê bi cih bihêlin, li Herêma Kurdistanê zêdetir baregehe û navendan ava dike.

 

Mayîna leşkerên Tirk li ser xaka Herêma Kurdistanê binpêkirina yasaya  kar pê tê kirin ya Herêma Kurdistanê û Iraqê û yasayên navneteweyî ye. Lewma weke parlamenterên me îmze avêtine, daxwazê ji parlamentoya Herêma Kurdistanê dikin ku biryarê bide hikûmeta Herêma Kurdistanê da ku xaka Herêma Kurdistanê biparêze û leşkerên Tirk ji xaka Herêma Kurdistanê der bixe."

 

 



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : rojnewsku@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin